Como aplican o IVE e o resto dos impostos?

O Goberno aprobou o RD-Lei 8/2023 para manter as medidas de axuda en materia fiscal no ámbito da enerxía xa aprobadas para 2023, pero reducindo o nivel de rebaixa de maneira gradual a partir do 1 de xaneiro de 2024, así:

• O IVE da luz, durante todo o 2024, pode ser do 10 % ou do 21 %, suxeito a unhas condicións, que se revisarán mensualmente:
  • Será do 10 % se a túa potencia contratada é inferior ou igual a 10 kW e o prezo medio da luz do mes vencido no mercado grosista se sitúa por encima de 45 €/MWh (podes consultar o prezo aquí).
  • Se se incumpre calquera delas o IVE será do 21 %, agás no caso dos clientes con bono social vulnerable severo e bono social vulnerable severo con exclusión social para os que sempre será do 10 %.

• O IVE do gas foi do 10 % ata o 31 de marzo de 2024 e a partir do 01/04/2024 volve ao 21 % para todos os consumidores.
• O Imposto Especial á Electricidade (IEE) foi do 2,5 % ata o 31 de marzo 2024  e do 01/04/2024 ao 30/06/2024 pasa ao 3,8 %, sempre cumprindo cos mínimos da Directiva. No segundo semestre de 2024 volverá aplicar o 5,11%.

Por último, ten en conta que o Goberno tamén detalla a aplicación:

• O cambio de IVE de luz aplícaseche cando a túa factura inclúe algún día desde que se cambiou o IVE. Se non, mantén o IVE anterior.
• O cambio de IVE de gas aplícaseche cando a túa factura ten unha data de emisión do 01/04/2024 en diante  , independentemente do período facturado.

• Unha vez che aplique o cambio, este novo tipo de IVE afectará a toda a túa factura, aínda que houbese consumo previo á data de cambio. Isto é así porque, por lei, as facturas só recollen un tipo de IVE para cada enerxía.