O bono social eléctrico é un mecanismo de desconto na factura eléctrica, fixado polo Goberno, co fin de protexer determinados colectivos de consumidores económica ou socialmente máis vulnerables. 

O  Real Decreto 897/2017 de 6 de octubre de 2017, contempla todas las condiciones y criterios socioeconómicos necesarios para acceder a este Bono Social. También el  Real Decreto 15/2018, de 6 de octubre, amplía y mejora las condiciones indicadas en el RD 897. Asimismo, el  Real decreto lei 6/2022 do 29 de marzo, introduce modificacións e contén novos colectivos beneficiarios do bono social.

Se actualmente es beneficiario do bono social seguirás mantendo o dereito a percibir o bono social ata que se produza o seu vencemento. Chegado ese momento, se segue cumprindo os requisitos para ser considerado consumidor vulnerable/vulnerable severo e non pertence ao colectivo de familia numerosa,  de xeito automático percibirá o bono social durante dous anos adicionais (unha única prórroga).

En calquera momento, poderá solicitar a aplicación do bono social baixo as novas condicións, cuxa renovación cada 2 anos será automática de xeito indefinido, sempre que se cumpran os requisitos considerados na normativa de aplicación (RDL 6/2022).

Para que un consumidor de enerxía eléctrica poida ser considerado consumidor vulnerable,  deberá cumprir algún dos requisitos seguintes:
 

•  Que a súa  renda ou, en caso de formar parte dunha unidade de convivencia, a renda conxunta anual da unidade de convivencia á que pertenza sexa igual ou inferior a 1,5 veces o Indicador Público de Renda de Efectos Múltiples (IPREM) de 14 pagas. Cando a unidade de convivencia estea formada por máis dunha persoa, o multiplicador de renda respecto ao índice IPREM de 14 pagas incrementarase en 0,3 por cada membro adicional maior de idade que conforme a unidade de convivencia e 0,5 por cada menor de idade da unidade de convivencia. Considérase unidade de convivencia a constituída por todas as persoas que residan nun mesmo domicilio e que estean unidas entre si por vínculo matrimonial ou como parella de feito nos termos do artigo 221.2 do texto refundido da Lei xeral da seguridade social, ou por vínculo ata o segundo grao de consanguinidade, afinidade, adopción, e outras persoas coas que conviva en virtude de garda con fins de adopción ou acollemento familiar permanente. En ningún caso, unha mesma persoa poderá formar parte de dúas ou máis unidades de convivencia  (1).
   
•  Estar en posesión do título de  familia numerosa.
   
•  Que o propio consumidor e, no caso de formar parte dunha unidade de convivencia, todos os membros desta que teñan ingresos sexan  pensionistas do Sistema da Seguridade Social por xubilación ou incapacidade permanente, percibindo a contía mínima vixente en cada momento para as devanditas clases de pensión, e non perciban outros ingresos cuxa contía agregada anual supere os 500 euros.
   
•  Que o consumidor ou algún membro da súa unidade de convivencia sexa  beneficiario do Ingreso Mínimo Vital  conforme ao establecido na Lei 19/2021, do 20 de decembro, pola que se establece o ingreso mínimo vital.

(1)  Os multiplicadores de renda respecto do índice IPREM de 14 pagas establecidos incrementaranse, en cada caso, en 1 sempre que se acredite algunha das seguintes circunstancias especiais: Que o consumidor ou algún dos membros da unidade de convivencia teña discapacidade recoñecida igual ou superior ao 33 %; que o consumidor ou algún dos membros da unidade de convivencia sexa vítima de violencia de xénero, conforme ao establecido na lexislación vixente; que o consumidor ou algún dos membros da unidade de convivencia teña a condición de vítima de terrorismo, conforme ao establecido na lexislación vixente; que o consumidor ou algún dos membros da unidade de convivencia se encontre en situación de dependencia recoñecida de grao II ou III, conforme ao establecido na lexislación vixente ou que a unidade de convivencia estea integrada por un único proxenitor e, polo menos, un menor.

Requisitos necesarios para ser consumidor vulnerable severo. Cando, cumprindo os requisitos anteriores, o consumidor e, no seu caso, a unidade de convivencia á que pertenza teña unha renda anual inferior ou igual ao 50 % do limiar que corresponda, o consumidor será considerado vulnerable severo. Así mesmo, tamén será considerado vulnerable severo cando o consumidor, e, no seu caso, a unidade de convivencia a que pertenza teña unha renda anual inferior ou igual a unha vez o IPREM a 14 pagas, no caso de que se encontre na situación do apartado c, ou dúas veces o mesmo no caso de que se encontre na situación do apartado b.

Cando a Administración autonómica ou local cuxos servizos sociais estean a atender o consumidor que teña a condición de vulnerable severo, asuma polo menos o 50 por cento do importe da súa factura a PVPC previo á aplicación do desconto por bono social, e o pagamento quede acreditado ante o comercializador de referencia no prazo de cinco meses dende a emisión da factura.

Encontrarás máis información na sección de  preguntas frecuentes  do bono social.

O seu obxectivo é complementar a axuda percibida en concepto de Bono Social Eléctrico polos consumidores vulnerables, para cubrir as súas necesidades de enerxía destinada a calefacción, auga quente sanitaria ou cociña, independentemente de cal sexa a fonte utilizada.

Este programa foi creado polo Ministerio de Transición Ecolóxica e articulado a través do Real decreto lei 15/2018, do 5 de outubro, de medidas urxentes para a transición enerxética e a protección dos consumidores.

Son beneficiarios deste Bono, sen necesidade de facer ningún trámite nin solicitude, os  clientes que eran beneficiarios do Bono Social Eléctrico a 31 de decembro do ano anterior.

Financiarase con cargo aos Orzamentos Xerais do Estado e o seu outorgamento estará condicionado á existencia de dispoñibilidade orzamentaria e, en todo caso, suxeita ao límite de dispoñibilidade orzamentaria fixado en cada ano na Lei de orzamentos xerais do Estado para este concepto.

A contía que vaia percibir cada beneficiario determinarase atendendo ao seu grao de vulnerabilidade segundo se defina na normativa reguladora do bono social eléctrico, así como á zona climática na que se localice a vivenda na que se encontre empadroado. Así mesmo, a cantidade consignada na partida orzamentaria, con cargo á que se financie o Bono Social Térmico en cada exercicio orzamentario, distribuirase entre todos os beneficiarios mediante a concesión dun pagamento único anual.

O Ministerio para a Transición Ecolóxica calculará a distribución territorial do orzamento dispoñible no exercicio para este fin e transferirá os importes ás Administracións competentes para o seu pagamento, xunto coa información dos beneficiarios e os importes que lles corresponden.

As comunidades autónomas e cidades con Estatuto de Autonomía realizarán o pagamento da axuda aos beneficiarios durante o primeiro trimestre do ano, na forma que consideren máis procedente de acordo cos seus procedementos, organización e o colectivo de beneficiarios, garantindo en todo caso a posibilidade de renuncia á axuda por parte dos beneficiarios que así o soliciten.