Que é o financiamento do Bono Social?

Explicámoscho: o Goberno, a través do Real decreto 6/2022, establece un mecanismo de financiamento do bono social para que o seu custo sexa asumido por todos os axentes do sector eléctrico: xeración, transporte, distribución e compañías comercializadoras. O reparto do custo entre estes axentes establéceo anualmente a CNMC e o Ministerio para a Transición Ecolóxica e o Reto Demográfico.

Este custo asignado ás comercializadoras de último recurso aplícase aos consumos a partir do 15 de xuño de 2023. Con todo, xa se aplicaba nas comercializadoras do mercado libre e por iso se utiliza un factor de corrección para cubrir esa decalaxe.

En 2024 o seu custo é de 2,299047 €/ano e o factor de corrección é 5,394483, que resulta en 0,03388571 €/día e aparecerá na túa factura de luz do PVPC, teñas ou non bono social, nunha liña de cargo titulada “Financiamento do Bono Social”, aplicado ao número de días facturados.