Que tarifas de gas podo contratar?

A tarifa TUR é a tarifa de gas do mercado regulado. É a Tarifa de Último Recurso de gas natural, denominada TUR e os seus prezos están fixados pola Administración. Podes contratar esta tarifa se cumpres estes requisitos, que cumpre a inmensa maioría fogares.

• Tes un consumo anual de gas natural inferior a 50.000 kWh/ano.
• A túa subministración é de baixa presión (menor ou igual a 4 bar).

Existen 3 tipos de tarifa en función do consumo de gas anual: 

• TUR 1: consumos de ata 5.000 kWh/ano. Para fogares que só utilizan gas natural para cociñar ou quentar auga. 
• TUR 2: consumos de máis de 5.000 kWh/ano ata 15.000 kWh/ano. Para aqueles consumidores que, ademais de usar o gas natural para cociñar ou quentar auga, teñen tamén calefacción. 
• TUR 3: consumos de máis de 15.000 kWh/ano ata 50.000 kWh/ano. Para fogares con gran consumo ou negocios. 

Estas tarifas infórmanse a distribuidora, que é a empresa responsable da rede e da lectura dos contadores, e esta pode axustar a tarifa no caso no que identifique que o consumo é diferente ao que lle corresponde, co obxectivo de que o cliente estea ben situado. 

Esta tarifa só se comercializa polas empresas Comercializadoras Reguladas ou de Último Recurso (CUR) de gas. Somos a túa comercializadora de referencia para esta tarifa. Para contratala podes facelo:

• Por teléfono
• Nas nosas tendas

Se xa tes contrato de gas noutra comercializadora do mercado libre ou regulado, xestionaremos o cambio de comercializadora que é un trámite sinxelo. Se en cambio tes que contratar unha alta nova de contrato, tamén xestionaremos a solicitude.

Só necesitamos saber o teu NIF/NIE, os teus datos bancarios para domiciliar o pagamento, o enderezo de servizo ou o seu CUPS . Ten estes datos a man cando inicies a contratación.