Como pido un fin de subministración ou cesamento?

Se queres o fin da subministración, solicitarás directamente un cesamento e debes saber que deixarás de dispoñer da enerxía e que recuperala implicará facer unha alta e probablemente algunhas tarefas técnicas previas á reapertura da subministración.

Se o contador é dixital, como na maioría dos casos dos contadores eléctricos, o cesamento non suporá a retirada do contador, porque se fará en remoto.

Non obstante, para os contadores de gas un técnico da distribuidora terá que ir retiralo á túa vivenda, co que será necesario que peches unha cita para iso. Cando nos pidas o cesamento axudarémoste con isto. Mentres dispoñas de contador manterás a subministración connosco.

A retirada do contador implica o fin da subministración e a data de fin da subministración. Unha vez nolo comunique a distribuidora elaboraremos a factura de peche co consumo real que nos faga chegar a mesma distribuidora ata esa data fin, e daremos de baixa o produto de enerxía.

No caso no que non  sexas o titular do punto de subministración, pedirémosche documentación adicional que acredite a túa vinculación coa vivenda.

Para solicitar o fin da subministración, accede ao formulario que che indicamos a continuación. Unha vez alí, pedirémosche datos, deberás escoller o motivo “Cesamento/Fin de subministración” e tamén terás que achegar os seguintes documentos unha vez completados:

• Documento de cesamento de gas  (se solicitas o cesamento de gas).
• Documento de cesamento de electricidade (se solicitas o cesamento de electricidade).
• Documentación que acredite a túa vinculación co punto de subministración (só no caso de que non sexas o titular desa subministración).